Duke iu referuar reformave të fundit të paralajmruara nga Qeveria e Republikës së Maqedonisë,  procesi i themelimit apo i fillimit të një biznesi është thjeshtuar duke i eleminuar të gjitha procedurat e stërgjatura administrative, që ka kursyer kohë dhe reduktuar shpenzimet financiare maksimalisht, me çka  ju mundëson të gjithë njerëzve që kanë një ide, janë kreativ, kanë aftësi sipërmarrëse dhe vullnet për punë, të njëjtën ta bëjnë edhe në mënyrë institucionale duke regjistruar biznesin e tyre në institucionet përkatëse.

Sot për të filluar një aktivitet biznesor mjafton vetëm që të paraqiteni në ndonjërën nga shtëpitë konsultuese financiare që posedojnë autorizim përkatës për kontabilitet dhe i gjithë procesi do të bëhet në mënyrë elektronike “online” duke thjeshtuar gjitha procedurat dhe për një kohë shumë të shkurtë ju do keni biznesin e juaj të regjistruar në Regjistrin Qëndror dhe gjithë institucionet përkatëse.

Një ndër faktorët e rëndësishëm që determinon veprimtarinë afariste është lokacioni i biznesit, duke iu referuar kësaj, Komuna e Tetovës paraqet një ndër lokacionet më atraktive për të bërë biznes.

Komunën e Tetovës si destinacion atraktiv  për biznes e bëjnë këto atribute:

• Pozita e volitshme gjeografike
• Resurse të mëdha natyrore
• Infrastruktura moderne
• Komunikimi transparent në mes komunës dhe sektorit të biznesit
• Mbështetja dhe përkrahja e bizneseve të reja
• Zhvillimi dhe promovimi i zonës së lirë ekonomike
• Nxitja e partneritetit privat-publik
• Promovimi i politikave nxitëse për të motivuar mërgatën Tetovare për të investuar në vendlindje.